धरान । धरानस्थित केन्द्रीय प्रविधि क्याम्पसको स्वतन्त्र विद्यार्थी युनियन (स्ववियू) सह–सचिवमा सुलभ लिम्बु चयन भएका छन् ।

समाजवादी विद्यार्थी युनियन क्याम्पस समितिको सिफारिसमा समानुपातिकतर्फ स्ववियू सदस्य बनेका लिम्बुलाई शुक्रवार बसेको स्ववियू बैठकले आवश्यक बहुमतका आधारमा सह–सचिवमा चयन गरेको हो । त्रिभुवन विश्वविद्यालय अन्तर्गतको स्ववियू मिश्रित निर्वाचन प्रणालीअनुसार समानुपातिकतर्फ निर्वाचित सदस्यहरू मध्ये बाट सहमति वा बहुमतका आधारमा उपाध्यक्ष र सह–सचिव चयन गर्ने व्यवस्था गरिएको छ । सोही व्यवस्था अन्तर्गत बहुमतीय आधारमा लिम्बु सहसचिव चयन भएकाहुन ।

०८१ चैत ५ गते सम्पन्न स्ववियू निर्वाचनमा समानुपातिकतर्फ मुइङ्हाङ लावती निर्वाचित भएका थिए । तर कार्यकालकै बीचमा नेपाल प्रहरी सहायक निरीक्षकमा उत्तीर्ण भएपछि उनले पद त्याग गरेका थिए । त्यसपछि समाजवादी विद्यार्थी युनियन क्याम्पस समितिका अध्यक्ष संयोगिता राई र सचिव अभिनाष कुमारको सिफारिसमा लिम्बुलाई स्ववियू सदस्यमा पठाइएको हो । सोही सिफारिसपछि स्ववियू बैठकले उनलाई सह–सचिवमा चयन गरेको छ ।

चैत ५ को उक्त निर्वाचनमार्फत क्याम्पसको स्ववियू अध्यक्षमा स्वतन्त्र उम्मेदवार पेशल राज कार्की र कोषाध्यक्षमा नाम्छाहाङ राई विजयी भएका थिए भने बाँकी सदस्यहरू विभिन्न दलगत संगठनबाट निर्वाचित भएका थिए ।

काठमाडौँ । सञ्चार तथा सूचनाप्रविधि मन्त्रालयले मन्त्रालयमा सूचीकृत भएका बाहेक सम्पूर्ण सामाजिक सञ्जाल प्ल्याटफर्महरू क्रमशः निष्क्रिय गर्ने प्रक्रिया सुरु गर्ने भएको छ ।

यसका लागि मन्त्रालयले दूरसञ्चार तथा इन्टरनेट सेवाको नियामक निकाय नेपाल दूरसञ्चार प्राधिकरणलाई निर्देशन दिइसकेकोछ ।

आज बिहिवार मन्त्रालयमा बसेको मन्त्री स्तरीय बैठकले गरेको निर्णय अनुसार नेपालमा शुचिकरण हुन नआएका सामाजिक सञ्जाल प्लयाटफर्महरूलाई तत्काल निष्क्रिय बनाउने निर्णय गरेको हो ।

सर्वोच्च अदालतको आदेश र मन्त्रीपरिषद्को भदौ ९ गते निर्णयको कार्यान्वयन गर्न मन्त्रालय यस्तो प्रक्रिया थालेको सञ्चार तथा सूचना प्रविधि मन्त्री पृथ्वी सुब्बा गुरुङले जानकारी दिएका छन् ।

उनले भने, ‘सर्वोच्च अदालतको प्रधानन्यायाधिश सहितको इजलासले अदालतको अपहेलना सम्बन्धी मुद्धा नं २०८० सिइएफ ००१२मा स्वदेशी तथा विदेशी उत्पत्तिका अनलाइन तथा सामाजिक सञ्जालहरूलाई अनिवार्य रूपमा सम्बन्धित निकायमा सूचिकरण गराउने नेपाल सरकारले आदेश दिएको छ । उक्त आदेश पालना गर्नको लागि नेपाल सरकार मन्त्रीपरिषद्ले २०८२ भदौ ९ मा गरेको निर्णय अनुसार नेपालमा सामाजिक सञ्जाल प्ल्याटफर्महरू सञ्चालन गर्न इच्छुक व्यक्ति, कम्पनी वा संस्थाले नेपाल सरकारले जारी गरेको सामाजिक सञ्जाल प्रयोग व्यवस्थित गर्ने निर्देशिका २०८० बमोजिम सञ्चार तथा सूचना प्रविधि मन्त्रालयमा आफ्नो प्लेटफार्मको सूचिकरणको लागि तोकिएका कागजातसहित सात दिनभित्र निवेदन दिनुपर्ने छ ।’

मन्त्रीका अनुसार सरकारकाले पटक पटक सूचना जारी गरि जानकारी गराउदा पनि प्लाटफर्महरूले आँटेरी गरेको हुँदा यस्तो बाध्यात्मक अवस्था आएको हो ।

‘सूचिकरण गर्न एक पैसा पनि लाग्दैँन् । हाम्रो उदेश्य सधैँलाई बन्द गर्न खोजिएको होइन । उनीहरू सम्पर्कमा आउना साथ पुन सुचारु हुनेछ । सूचीकृत भइसकेका र प्रक्रियामा रहेकालाई बन्द गरिएको छैन । समय लाग्ला भनेर स्वनियमनको लागि हामीले सूचना जारी गरेका थियौँ । पहिला महिना, दोस्रो महिना, तेस्रो महिना कोही आएन त्यसपछि फेरि कूटनीतिक माध्यमबाट कुराकानी गर्ने प्रयास गरेका थियौँ । त्यसमा पनि उनीहरू सहमत भएन, उनीहरूले नेपालको संविधान, नीति नमान्ने जस्तो ठूला ठूला कुरा पनि गरे, यो कुराहरू पनि हामी सहेकै थियौँ । अत्ति भईसके पछि हामीले यो निर्णय गरेका हौँ ।’

साथै, मन्त्रालयका प्रवक्ता गजेन्द्र कुमार ठकुरले हाल सम्म टिकटक, भाइबर, विटक, निम्बज र पोपो लाइभ सूचीकृत भइसकेको र टेलिग्राम र ग्लोबल डाइरी सूचीकृत हुने प्रक्रियामा रहेको जानकारी दिए ।

उनले भने, ‘मन्त्रालयले गरेको एक अध्ययन अनुसार नेपालमा हाल २५ वटा जति सामाजिक सञ्जाल प्ल्याट फर्महरु बढी सक्रिय रूपमा प्रयोग भएका छन् । तर, कति वटा बन्द हुन्छ यकिन छैन, हजारौँ प्ल्याटफर्म बन्द हुन सक्छन् । त्यसमा टिकटक, भाइबर, विटक, निम्बज र पोपो लाइभ सूचीकृत भइसकेको र टेलिग्राम र ग्लोबल डाइरी सूचीकृत हुने प्रक्रियामा रहेको छ ।’

काठमाडौं । नेपाल शिक्षक महासंघले प्रस्तावित विद्यालय शिक्षा विधेयक सच्याउनु पर्ने माग राख्दै विभिन्न राजनीतिक दलहरुको पार्टी कार्यालयमा आज पनि धर्ना दिएका छन् । 

बिहीबार जसपा (अशोक राई), जसपा नेपाल, नागरिक उन्मुक्ति पार्टी, जनमत पार्टी, लोकतान्त्रिक समाजवादी पार्टीलगायत पाँच पार्टी कार्यालयमा धर्ना दिएसँगै धर्नाको कार्यक्रम अन्त्य हुने महासंघका अध्यक्ष लक्ष्मीकिशोर सुवेदीले जानकारी दिए ।

उनले आज पहिलो चरणको आन्दोलनअन्तर्गत राजनीतिक दलका पार्टी कार्यालयमा धर्नामा बस्ने कार्यक्रमको अन्तिम चरणमा रहेको बताएका हुन् । 

अध्यक्ष सुवेदीले शिक्षा विधेयकमा महासंघका मागहरू सम्बोधन नभए दोस्रो चरणका कार्यक्रमको सार्वजनिक गरी कडा आन्दोलन गर्ने बताए । 

‘आज धर्नाको कार्यक्रम अन्त्य हुन्छ । भोलि हामी बैठक बस्दैछौ । बैठकपछि दोस्रो चरणका कार्यक्रमको सार्वजनिक गर्छौ । विस्तारै आन्दोलनले गति समात्दैछ । हिजो ०८१÷०८२ मा भएको भन्दा कडा आन्दोलन हामी गर्छौ,’उनले भने । 

उनले धर्नामार्फत राजनीतिक दलका नेताहरुलाई प्रतिनिधि सभा र राष्ट्रिय सभाबाट शिक्षकहरुको समस्याको समाधान गरिदिन ध्यानाकर्षण पत्र बुझाएको बताए । 

उनले भने,‘हाम्रो मुल मुद्दाहरु प्रतिनिधि सभा र राष्ट्रिय सभाबाट समाधान गरिदिनुपर्छ भन्नलाई आएका हौं । ध्यानाकर्षण पत्र पनि पेस गरेका छौ । प्रतिनिधि सभा र राष्ट्रिय सभाले कुन ढङगले काम गर्छ त्यो अनुसार हाम्रो आन्दोलनको रुप अगाडि आउँछ । यदी ऐन जारी हुने दिशातिर गयो भने अबको लडाई संशोधनको हुन्छ ।’ 

उनले महासंघको बैठक भोलि(शुक्रबार) बसी नयाँ कार्यक्रमहरुको सार्वजानिक गर्ने जानकारी समेत दिए । 

काठमाडौँ । नेपाल प्रहरीको नव नियुक्त महानिरीक्षक आईजीपी चन्द्र कुवेर खापुङलाई दर्ज्यानी चिह्न प्रदान गरिएको छ । बिहीबार बिहान गृहमन्त्रालयमा आयोजित एक समारोहकाबीच गृहसचिव गोकर्णमणि दुवाडीले खापुङलाई दर्ज्यानी चिह्न लगाइदिएका हुन्। 
दर्ज्यानी चिह्न ग्रहणन पछि आईजीपी खापुङले गृहमन्त्रालयले सुम्पिएको जिम्मेवारी निष्ठा,पेसागत अनुशासन र पारदर्शिता भावकासाथ प्रभावकारी रूपमा निर्वाह गर्ने प्रतिबद्धता व्यक्त गरे । 
उनले भने,‘नेपाल सरकार, गृहमन्त्रालयले मलाई सुम्पिएको यो जिम्मेवारी मेरो निष्ठा,पेसागत अनुशासन,पारदर्शिता भावकासाथ प्रभावकारी रूपमा निर्वाह गर्ने प्रतिबद्धता व्यक्त चाहन्छु ।’
उनले प्रहरी जस्तो पवित्र सेवालाई आफ्नो स्वेच्छाले रोजेर प्रारम्भ गरेको आफ्नो तीन दशक लामो संघर्षको स्मरण समेत गरे । उनले आजै प्रहरी प्रधान कार्यालय नक्सालमा गएर कार्यभार सम्हाल्ने तयारी छ।
सरकारले यही भदौ १३ गते खापुङलाई नेपाल प्रहरीको ३२औँ महानिरीक्षकमा नियुक्त गरेको थियो। हालका प्रहरी महानिरीक्षक दीपक थापा हिजोदेखि नै अनिवार्य अवकाशमा गएका छन् ।

आईजीपी खापुङको प्रतिबद्धता : निष्ठा, अनुशासन र पारदर्शितासाथ जिम्मेवारी निर्वाह गर्ने

<iframe width="100%" height="315" src="https://www.youtube.com/embed/-vXAp9z8o84?si=HZSxzcl8CE2o6TEf" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

काठमाडौँ । प्रधानमन्त्री केपी शर्मा ओलीले चीन भ्रमणले अन्तर्राष्ट्रियजगतमा नेपालको प्रतिष्ठालाई थप अभिवृद्धि गर्न उल्लेखनीय योगदान पुगेको बताएका छन्  । जनवादी गणतन्त्र चीनको पाँचदिने औपचारिक भ्रमण सम्पन्न गरी बुधवार स्वदेश फर्किएपछि भ्रमणबारे जानकारी गराउन आयोजित पत्रकार सम्मेलनमा परराष्ट्र सचिव अमृतबहादुर राईले यस्तो बताएका हुन् ।

चीनका राष्ट्रपति सी चिनफिङको मैत्रीपूर्ण निमन्त्रणामा प्रतिनिधिमण्डलको नेतृत्व गर्दै प्रधानमन्त्री ओली भदौ १४ मा त्यसतर्फ प्रस्थान गरेका थिए ।

सचिव राईले भ्रमणका क्रममा चिनियाँ राष्ट्रपति एवं उपराष्ट्रपतिसँग द्विपक्षीय भेटवार्ता तथा अन्य विभिन्न राष्ट्रका राष्ट्र र सरकार प्रमुखसँग भेटवार्ता भएको जानकारी दिए ।

प्रधानमन्त्री ओलीको भ्रमणको मूल उद्देश्य चीनको थियानजिन सहरमा आयोजित शाङ्घाई सहयोग सङ्गठन (एससिओ) को शिखर सम्मेलनमा भाग लिई सो सङ्गठनमा नेपालको सहभागिताको स्तर अभिवृद्धि गर्नाका साथै त्यसमार्फत नेपालको राष्ट्रिय हित प्रवर्धन गर्नु रहेको थियो ।

प्रधानमन्त्री ओलीले भ्रमणका क्रममा भदौ १४ गते चीनका राष्ट्रपति सीसँग थियानजिनमा भेट गरी द्विपक्षीय सम्बन्ध, सहयोग र प्राथमिकताका विषयमा खुला र हार्दिकतापूर्ण छलफल गरेको मन्त्रालयले जनाएको छ ।

सचिव राईका अनुसार शान्तिपूर्ण सहअस्तित्वका पाँच सिद्धान्तमा आधारित नेपाल–चीन सम्बन्ध समस्यारहित रहेको उल्लेख गर्दै प्रधानमन्त्री ओलीले नेपालको विकास प्रयासमा निरन्तर सहयोगका लागि चीन सरकारलाई धन्यवाद व्यक्त गरेको बताए ।

प्रधानमन्त्री ओलीले नेपालको भूभाग लिपुलेक नाकामार्फत सीमा व्यापार गर्नेसम्बन्धी भारत र चीनबिच हालै भएको समझदारीप्रति आपत्ति जनाउँदै उक्त समझदारी कार्यान्वयन नगर्न चीनका राष्ट्रपतिलाई अनुरोध गरेको सचिव राईले जानकारी गराए ।

काठमाडौं । जापानी आक्रमणविरुद्धको चिनियाँ जनप्रतिरोध युद्ध र विश्व विरोधी–फासिस्ट युद्धको विजयको ८० औं वार्षिकीमा राष्ट्रपति सी चिनफिङले दिएको सन्देश केवल इतिहास सम्झाउने मात्र होइन, चीनको वर्तमान र भविष्यको राजनीतिक सन्देशसमेत बनेको छ ।

उनले चीनको तियानआनमेन चोकमा आयोजित भव्य समारोहमा सम्बोधन गर्दै सहिदहरूको बलिदानलाई श्रद्धाञ्जली अर्पण गर्न, शान्तिलाई मूल्याङ्कन गर्न र उज्ज्वल भविष्य निर्माण गर्न आग्रह गरे ।

चीनले १४ वर्ष लामो संघर्षपछि ३ करोड ५० लाखभन्दा बढी जनताको बलिदानका साथ विजय हासिल गरेको इतिहास स्मरण गर्दै सीले भने, “इतिहास केवल सम्झनकै लागि होइन, आगामी पुस्तालाई मार्गदर्शन गर्नका लागि हो ।” यस सन्देशले चीन आजको अन्तर्राष्ट्रिय राजनीतिमा शान्ति, सहकार्य र बहुध्रुवीय विश्वको समर्थनमा रहेको संकेत गर्दछ ।

विश्लेषकहरूको भनाइमा, सीको यो सम्बोधन चीनको “इतिहास–आधारित राष्ट्रवाद” लाई बल दिनुका साथै, विश्व समुदायलाई चीन शान्तिपूर्ण विकासको मार्गमा अग्रसर रहेको सन्देश पठाउने प्रयास हो । सन् २०१४ देखि सेप्टेम्बर ३ लाई ‘जनप्रतिरोध युद्ध विजय दिवस’का रूपमा मनाउने निर्णय पनि यही रणनीतिक सन्देशसँग जोडिएको मानिन्छ ।

इटहरी ।  कोशी प्रदेशका उद्योग कृषि तथा सहकारी मन्त्री खनेनसिं हाङ्गामले आफूले सचिव डा.शरणकुमार पाण्डे चडेको गाडीको चाबी खोसेको सन्दर्भमा प्रष्टिकरण दिएका छन् । 

बुधबार ताप्लेजुङ पुगेर मन्त्री हाङ्गामले सञ्चारकर्मीसँग प्रष्टिकरण दिएका हुन् ।

सञ्चारकर्मीसँग कुरा गर्दै मन्त्री हाङ्गामले भने, ‘उहाँ कृषि तथा पशुपन्छी विकास मन्त्रालय, सिंहदरबारको सहसचिवको रूपमा सरुवा हुनुभयो । सहसचिवको रूपमा सरुवा भइसकेपछि, कोशी प्रदेशमा मुख्यमन्त्री कार्यालयमा रहँदा हाम्रो मन्त्रालय, उद्योग, कृषि, सहकारी मन्त्रालयको गाडी, चालक, क्वाटर सबै प्रयोग गर्दै आउनु भो, बाहिर बाहिर हिँड्नु भो, म सँग नभेटेको २० देखि २५ दिन भयो । मन्त्रालयमा उहाँ सचिव कामकाजको रूपमा अहिलेसम्म खटिएको छैन ।’ 

यस्तै, उनले भोली पत्रकार र सर्वसाधारणहरुले पूर्व सचिवले चढेको गाडी, चालक र क्वाटरहरु कस्तो अवस्थामा छ भनेर सोध्यो भने जवाफदेही हुनुपर्ने हिसाबले र आफ्नो मातहतमा रहेको कार्यालय र कर्मचारीमा सुशासन कायम गर्ने हिसाबले उक्त कार्य भएको बताए । 

उनले भने, ‘भोली पत्रकार र सर्वसाधारणहरुले तपाईंको पूर्व सचिवले चढेको गाडी, चालक र क्वाटरहरु कस्तो अवस्थामा छ भनेर सोध्यो भने भन्ने, हिसाबले मेरो मातहतमा रहेको कार्यालय र कर्मचारीमा सुशासन कायम गर्ने हिसाबले पनि मैले जवाफदेही हुनुपर्छ । हाम्रो जिन्सी शाखा शाखामा गाडीको चाबीहरू राख्ने गरिन्छ र त्यहाँ चालकलाई जिन्सी शाखा मार्फत बोलाएर, उहाँलाई चाबी त्यहाँ बुझाएर गाडी हाम्रो मन्त्रालयको परिसरभित्र राखिएको अवस्था हो र कर्मचारीलाई सुशासन कायम गर्नलाई सेवाको हिसाबले सधैँ चुस्त दुरुस्त सेवाको लागि हामीले जहिले निर्देशन दिने गरिन्थ्यो तर कर्मचारीसँग मेरो कुनै पनि किसिमको पूर्वाग्राही ढङ्ग राख्ने र त्यसमा विशुद्धताका साथ हेर्ने चलन छैन ।’ 

काठमाडौं । जल तथा मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानको दक्षिणतर्फ अवस्थित रहेको छ । जसले गर्दा नेपालमा मनसुन केही कमजोर रहेको छ भने बंगालको खाडीबाट जलवाष्पयुक्त हावा पनि भित्रि रहेको छ ।  

महाशाखाका अनुसार आज दिउँसो देशभर साधारणतया बदली रहनेछ । लुम्बिनी प्रदेश लगायत देशका पहाडी भू–भागका केही स्थानहरूमा र तराई भू–भागका थोरै स्थानहरूमा मध्यम वर्षाको सम्भावना रहेको महाशाखाले जनाएको छ । 

यस्तै, आज राती भने कोशी प्रदेश र मधेश प्रदेश लगायत देशको पहाडी भु–भागमा साधारणतया बदली रहि बाँकि भु–भागमा आंशिक बदली रहने सम्भावना रहेको छ ।

महाशाखाका अनुसार कोशी प्रदेश, मधेश प्रदेश, बागमती प्रदेश, गण्डकी प्रदेशका केही स्थानहरूमा तथा बाँकी प्रदेशका पहाडका थोरै स्थानहरूमा र बाँकी भू–भागका एक–दुई स्थानमा मध्यम वर्षाको सम्भावना रहेको छ ।

कोशी प्रदेशको तराई र बागमती प्रदेशका पहाडको एक–दुई स्थानमा भारी वर्षाको पनि सम्भावना रहेको समेत महाशाखाले जनाएको छ । 

इटहरी ।  मोरङको सुकुना बहुमुखी क्याम्पसमा स्वतन्त्र विद्यार्थी युनियन(स्ववियू)कै बहुमत सदस्यहरुले लगाएको तालाबन्दी खोलिएको छ ।

अध्यक्ष एलिश ओझाले स्ववियू कोषबाट २० हजार अनधिकृत रूपमा आफ्नो संगठनको महाधिवनमा प्रयोग गरेको आरोप लगाउँदै भदौ ८ गते क्याम्पस प्रमुखको कार्यकक्षमा तालाबन्दी गरेको थियो ।

स्ववियूकी कोषाध्यक्ष सविना थापाका अनुसार सो रकम कुनै आधिकारिक बैठक, छलफल वा सामूहिक सहमति बिना नै निकासा गरिएको थियो । जसले स्ववियूको विधान, परम्परा र मूल्य मान्यताको उल्लंघन गरेको भन्दै आपत्ति जनाइएको हो ।

तर पछि अध्यक्ष ओझाले रकम क्याम्पस खातामा फिर्ता गरेको प्रमाण प्रशासनले दिएको छ । साथै उनले विज्ञप्ति मार्फत स्पष्टिकरणसहित माफी मागेका छन् । क्याम्पस प्रशासनले समेत कमजोरी स्वीकार गर्दै भविष्यमा यस्ता त्रुटी नदोहोरिने प्रतिबद्धता जनाएपछि स्ववियूले तालाबन्दी खोल्ने निर्णय गरेको हो ।

विद्यार्थी आन्दोलनका कारण क्याम्पसका शिक्षक, कर्मचारी र विद्यार्थीमा परेको असुविधाप्रति स्ववियूले क्षमा मागेको छ ।

विराटनगर । कोशी प्रदेशका उद्योग, कृषि तथा सहकारी मन्त्री खगेनसिं हाङ्गाम र मन्त्रालयका प्रदेश सचिव डा.शरणकुमार पाण्डेबिच लामो समयदेखि चल्दै आएको तिक्तता सोमबार सतहमा आएको छ । 

मन्त्री हाङ्गामको निर्देशनमा सचिव पाण्डेले प्रयोग गर्दै आएको सरकारी गाडीको चाबी चालकबाट खोसिएको घटनाले प्रदेश राजनीतिसँगै कर्मचारी वृत्तमा पनि ठूलो तरङ्ग ल्याएको हो ।

सचिव पाण्डे निकट स्रोतका अनुसार मन्त्री हाङ्गामले कार्यालयमा आफ्ना मान्छे नियुक्त गर्न, सचिवालयका कर्मचारीको भत्ता तत्काल भुक्तानी गर्न र नीति निर्माणमा हस्तक्षेप गर्ने जस्ता दबाब दिँदै आएका थिए । तर, सचिवले अस्वीकार गरेपछि सम्बन्ध चिसिएको हो । 

पाण्डेले स्वयं पनि गाडीको चाबी खोसिएको पुष्टि गर्दै भने, “म र उहाँबिच व्यक्तिगत विवाद छैन, तर किन यस्तो गर्नुभयो भन्ने बुझ्न सकिएन ।”सचिवपक्षलेयसलाईमन्त्रीकोअनुशासनहीनतार‘दादागिरी’कोउदाहरणभन्दैआलोचनागरेकोछ।

तर, मन्त्री हाङ्गाम निकट स्रोतका अनुसार सचिव पाण्डे जहाँ गए पनि विवादमा पर्ने गरेका छन् । मन्त्री पक्षले पाण्डेमाथि राजनीतिक दबाबमा सरुवा बदर गर्ने, गुटबन्दी गर्ने र मन्त्रालयका काम–काज अवरुद्ध गर्ने आरोप लगाएको छ । सचिवका कारण किसानका लागि ल्याइएका व्याज अनुदान कार्यक्रम, बजेट खर्च र ‘खोरेत रोगमुक्त अभियान’ समेत प्रभावित भएको मन्त्री पक्षले बताएको छ । 

मन्त्री हाङ्गामले समेत भनेका छन्,“एक पटक सरुवा भइसकेको सचिवलाई फेरि फर्काइन्छ भने म त्यस्तो सचिवसँग बसेर काम गर्न सक्दिनँ ।”

कर्मचारी संगठनको आपत्ति

यस घटनाले कर्मचारी वृत्तमा ठूलो प्रतिक्रिया ल्याएको छ । नेपाल निजामती कर्मचारी संगठन, कोशी प्रदेशले विज्ञप्ति जारी गर्दै मन्त्री हाङ्गामको व्यवहारलाई ‘अमर्यादित, अपमानित तथा अत्यन्त घृणित’ भन्दै कडा शब्दमा भत्र्सना गरेको छ ।

संगठनका अध्यक्ष हरि प्रसाद सुवेदीले हस्ताक्षर गरेको विज्ञप्तिमा भनिएको छ, “मन्त्रीबाट गरिएको अमर्यादित व्यवहारले कर्मचारीको मनोबलमा ह्रास आउने मात्र नभई कार्यस्थलमा सुरक्षित वातावरणको प्रत्याभूति समेत सङ्कटमा परेको छ ।”

संगठनले मन्त्रीलाई तत्काल सार्वजनिक रूपमा क्षमा याचना गर्न र भविष्यमा यस्ता घटना नदोहो¥याउन माग गरेको छ । साथै दोषीमाथि आवश्यक कारबाही गर्दै प्रदेशका सम्पूर्ण निकायमा सुरक्षित कार्य वातावरण सुनिश्चित गर्न पनि सरकारको ध्यानाकर्षण गराएको छ ।

विवादरहित छैनन् मन्त्री र सचिव 

यसअघि पनि मन्त्री हाङ्गाम र सचिव पाण्डे दुवै जना विवादरहित पात्र भने होइनन् । बजेट निर्माणमा ‘बाइपास’ गरेको भन्दै धम्की दिनेदेखि लिएर आफ्नै जिल्ला ताप्लेजुगंमा स्थानीय नेता र प्रहरीका कर्मचारीलाई समेत कुटपिट गरेको सम्मका घटनाले उनलाई आलोचनामा राखेको छ । मन्त्री हुनु अघि उनले तत्कालीन प्रहरी प्रमुख डीएसपी (हाल एसपी) राजन लिम्बू र उनको परिवारलाई ज्यान मार्ने धम्की समेत दिएका थिए ।

अर्कोतर्फ, सचिव पाण्डे पनि जहाँ गएका पनि विवादमा तानिने गरेका छन् । बागमती प्रदेशमा रहँदा पाण्डे सरकारी गाडीको दुरुपयोग गर्दै मुस्ताङ पुगेका थिए । मन्त्रालयमा आफू चढ्ने गाडी लिएर परिवार सहित पाण्डे मुस्ताङमा घुम्न पुगेको घटनाले समेत उनलाई विवादमा तानेको थियो । कोशी प्रदेशमा मन्त्री र सचिवको टकराबले सेवाग्राही भने समस्यामा परेका छन् ।