शनिबार, २६ वैशाख २०८३
बुटवल उच्च अदालतद्वारा रवि लामिछानेलाई धरौटीमा रिहा गर्ने आदेश
काठमाडौँ । सहकारी ठगी तथा सङ्गठित अपराध अभियोगमा थुनामा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई उच्च अदालतले धरौटीमा रिहा गर्न आदेश दिएको छ।
बिहीबार उच्च अदालत बुटवलका न्यायाधीश बाबुदेव आचार्य र तेजनारायण पौडेलको संयुक्त इजलासले लामिछानेलाई धरौटीमा रिहा गर्न आदेश दिएको हो।
लामिछानेले बिगो बापतको रकम बुझाएर थुनाबाहिर बस्न पाउँ भनी निवेदन दिएका थिए। सोही निवेदनमाथि सुनुवाइ गर्दै उच्च अदालतले थप एक करोड रुपैयाँ धरौटी राख्न आदेश दिएको अदालत स्रोतले जनाएको छ।
सम्बन्धित खबर
