प्रतिगमनले अस्थिरता निम्त्याउँछ, संविधानभित्रै समाधान खोजौं : जसपा अध्यक्ष राई

काठमाडौं । जनता समाजवादी पार्टी (जसपा)का अध्यक्ष अशोक राईले मुलुकमा देखिएका समस्या संविधानभित्रबाटै समाधान गर्नुपर्ने बताएका छन्।

उनका अनुसार संविधानलाई अग्रगामी ढंगले सुधार गर्दै अघि बढ्न सकेमात्र मुलुकमा शान्ति, स्थिरता, सुशासन र समृद्धि कायम हुन्छ।

बिहीबार बिहान सामाजिक सञ्जाल फेसबुकमार्फत राईले भने, “मुलुकभित्र शान्ति, स्थिरता, सुशासन र समृद्धि ल्याउन संविधानभित्रबाट नै संविधानलाई अग्रगामी सुधार गर्ने गरी समाधान खोजिनुपर्छ। श्रमजीवी वर्ग र उत्पीडित समुदायको भावना तथा समस्यालाई सम्बोधन नगरेर प्रतिगमनतर्फ जाने हो भने यसले प्रतिरोध र अस्थिरता जन्माउँछ।”

उनले संघीय लोकतान्त्रिक गणतन्त्रलाई जीवन्त राख्दै अगाडि बढ्नुपर्ने पनि बताए।