देशभर आंशिकदेखि साधारणतया बदली, केही स्थानमा भारी वर्षा हुने सम्भावना

काठमाडौं । जल तथा मौसम विज्ञान विभागको मौसम पूर्वानुमान महाशाखाले हाल मनसुनको न्यूनचापीय रेखा सरदर स्थानको आसपासमा रहेको जनाएको छ । साथै बंगालको खाडीबाट मनसुनी हावाको प्रभाव केही बढेको विभागले जानकारी दिएको छ ।

महाशाखाका अनुसार शुक्रबार बिहान देशभर आंशिकदेखि साधारणतया बदलीको अवस्था रहेको छ । अधिकांश भूभागमा वर्षा भइरहेको छ भने कोशी र लुम्बिनी प्रदेशका केही स्थानमा भारी वर्षा समेत भएको छ ।

साँझ र राति पनि देशैभर आंशिकदेखि साधारणतया बदली रहने पूर्वानुमान गरिएको छ । कोशी र सुदूरपश्चिम प्रदेशका एक÷दुई स्थानमा भने भारी वर्षा हुने सम्भावना रहेको विभागले जनाएको छ ।