शनिबार, ०५ वैशाख २०८३
पहिलो पटक काभा पुरुष भलिबल च्याम्पियनसिप हुँदै
काठमाडौँ । नेपाल भलिबल सङ्घको आयोजना एवं सेन्ट्रल एसियन भलिबल सङ्घको संयोजनमा पहिलो पटक काभा पुरुष भलिबल क्लब च्याम्पियनसिप २०८१ आयोजना हुने भएको छ ।आज सङ्घले पत्रकार सम्मेलनको आयोजना गरी मङ्सिर २२ गते देखि २९ गतेसम्म काभा पुरुष भलिबल क्लब च्याम्पियनसिप आयोजना गरेर नेपालबाट नै प्रथम पटक थालनी गर्न लागेको जानकारी दिएको हो ।
प्रतियोगितामा इरानबाट चादौर मालो क्लब, भारतबाट क्यालीकट हिरोज, मालदिभ्सबाट एचडीसी क्लब, नेपालबाट गण्डकी प्रदेश र हेल्प नेपाल स्पोटर्स क्लब गरी पाँच टिमको सहभागिता रहनेछ ।
भलिबल खेलको माध्यमबाट खेलको बृहत्तर विकास गर्नको लागि काभा पुरुष भलिबल क्लब च्याम्पियनसिप पनि नेपालबाट नै सुरुवात गर्ने जमर्को गरेको सङ्घले जनाएको छ ।प्रतियोगिता सम्पन्न गर्न करिब एक करोड खर्च हुने सङ्घको अनुमान रहेको छ ।
सम्बन्धित खबर
