कन्याम घुम्नेहरूलाई राउन्ड सेल्फी फोटोवुथ

इलाम । इलामको सूर्योदय नगरपालिकास्थित कन्याम चिया बगान परिसरमा फोटोप्रेमीहरूका लागि राउन्ड सेल्फी फोटोवुथले थप आकर्षित गराएको छ । हरियो चिया बगानलाई पृष्ठभूमिका राखेर सेल्फी लिने र टिकटकका लागि भिडियो बनाउनेहरूका लागि फोटोबुथ आकर्षित बनेको हो ।

पछिल्लो समय चाडपर्वको फुर्सदमा कन्याम पुग्ने पर्यटकहरू चियाबगान मात्रै होइन कुहिरोसँग लुकामारी खेल्दै छिनछिनमा परिवर्तन भइरहने मौसमसँग रमाउँदै फोटोवुथमा उक्लिएर तस्विर लिने र भिडियो बनाउन झुम्मिने गरेका छन् ।

घोडा चढेर चिया बगान सयर गर्नेदेखि लिएर मौलिक संस्कृतिसँग जोडिएका पोसाकमा सजिएर तस्विर खिचाउनेहरू अब फोटोबुथ आकर्षणका रूपमा थपिएको छ ।