शनिबार, ०५ वैशाख २०८३
‘मिस्टर वर्ल्ड २०२४’ मा सहभागी जनाउन सन्तोष लक्सम भियतनाम प्रस्थान
काठमाडौं । ‘मिस्टर नेपाल २०२४’ को विजेता सन्तोष लक्सम लिम्बु भियतनाम प्रस्थान गरेका छन् । आगामी नोभेम्बर महिनामा भियतनामा सञ्चालन हुने ‘मिस्टर वर्ल्ड २०२४’ मा नेपालको प्रतिनिधित्व गर्दै उनी सोमवार प्रस्थान गरेका हुन् ।
त्रिभुवन अन्तर्राष्ट्रिय विमानस्थलनमा सञ्चारकर्मीहरूसँग कुराकानी गर्दै उनले ‘मिस्टर वर्ल्ड २०२४’ मा नेपालको प्रतिनिधित्व गर्दै देशको सुन्दरता प्रस्फुटन गर्न जान पाउँदा गर्वको महसुस भएको बताए ।
उनले भने, ‘मलाई खुसी लागेको छ । धेरै जनाको सपना बोकेर म जाँदै छु । आफ्नो देशको सुन्दरता प्रस्फुटन गर्न जाँदैछु , यसका कारण पनि म धेरै गर्व गर्न चाहन्छु । ’
गएको भदौँ ८ गते मिस्टर नेपाल २०२४’ को विजेता बनेसँंगै उनी आधिकारिक रूपमा ‘मिस्टर नेपाल वर्ल्ड २०२४’ चयन भएका छन् ।
सम्बन्धित खबर
